Plantun de Prouvènço

Pèr coumpara dos planto d'encò nostre

Euphorbia terracina & Grimmia orbicularis

Euphorbia terracina

Euphorbiaceae

Nom en français : Euphorbe de Terracine.

Descripcioun :
Aquesto lachusclo s'atrobo soulamen dins li relarg proche de mar ounte i'es pamens raro. Trachis dins lis ermas sablous de Camargo e de Prouvènço séusouso. Se recounèis à si longui bano sus li glando e à si boursèu lisc. La planto èi souvènt dreissado emé de fueio en lanço (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 70 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : 4 mm
Flourido : Printèms

Sòu : Si (Ca)
Autour basso e auto : 0 à 200 m
Aparado : Vo
Remarco : Planto de coustiero
Mars à mai

Liò : Sablo - Ermas - Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Euphorbia terracina L., 1762

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.